Nou Poze Kesyon Paske Nou Sousye Nou
Nan Cape Cod Healthcare (CCHC), se misyon nou pou nou bay vwazen ak vizitè nou yo bon jan kalite swen ki eksepsyonèl ak aksesib, 24/7/365.
Nan kad angajman nou an, nou swete ofri pasyan nou yo swen ki pi san patipri posib yo. Gras ak yon konpreyansyon ki pi vas n ap genyen sou antesedan moun n ap sèvi yo ak lang yo pi pito yo, n ap ka pi byen pran swen tout manm kominote divèsifye Cape Cod nou an.
Pou soutni objektif sa a, n ap poze pasyan nou yo kesyon konsènan antesedan yo ak lang yo. Kolèk enfòmasyon sa yo ede nou konprann non sèlman bezwen sante inik ou yo, men tou ede nou idantifye ki jan nou ka amelyore sante ak byennèt tout moun nan kominote nou an gras ak yon pòsyon sèvis ak pwogram adisyonèl.
Nou Poze Kesyon Paske Nou Sousye Nou
Pou moun ki avèg oswa ki gen vsyon ba epi kap itilize yon lektè ekran, kontni yo kominike nan videyo kout sa a, se tou sou paj sit entènèt sa a.
Ki kesyon yo gen pou yo poze m?
Tout pasyan ki gen 18 lane oswa plis gen posibilite pou yo bay enfòmasyon yo konsènan:
- Ras ak orijin etnik
- Lang yo
- Estati andikap yo *
- Oryantasyon seksyèl yo
- Idantite seksyèl yo
* Aktyèlman la a, yo poze kesyon sou estati andikap yo pandan yon vizit, avèk opsyon adisyonèl pou w reponn kesyon sa yo atravè MyChart ki gen pou l vini an 2025.
Poukisa CCHC poze kesyon sa yo?
Nou vle garanti pasyan nou yo resevwa swen ki pi bon, pi sekirize ak pi san patipri posib yo. Inegalite nan zafè sante egziste atravè peyi nou an - se yon pòsyon diferans enjis ki gen nan fason diferan gwoup moun jwenn aksè ak swen sante, eksperimante yo epi resevwa yo. Jwenn plis enfòmasyon sou pasyan n ap sèvi yo ede nou pi byen konprann nenpòt twou vid ki t a genyen nan bay n ap bay tout moun swen ki gen pi bon kalite yo yon fason ki egal. Nou pral itilize enfòmasyon sa yo:
- Pou n pi byen konprann kominote nou an.
- Pou n idantifye twou vid ki genyen nan objektif nou bay tèt nou pou n bay swen ki san patipri, epi konble twou vid sa yo, si toutfwa t a genyen.
- Pou n ofri swen ki sansib ak kilti pasyan nou yo.
- Pou n konprann bezwen sèvis entèprèt yo ak sipò aksesibilite a.
Kijan m ap bay enfòmasyon sa yo epi kiyès ki pral wè yo?
Ou kapab reponn kesyon sa yo nan plizyè fason:
- Sou Entènèt atravè kont pòtay pasyan MyChart ou a (seleksyone Paramèt Kont/Enfòmasyon Pèsonèl)
- Oswa, lè w ap ranpli eCheck-in (tchèk anliy) MyChart la pou yon pwochen randevou
- An pèsòn nan yon espas ki san danje ak prive lè w rive nan lopital nou yo oswa nan klinik doktè ou an
Enfòmasyon ou yo ap vin yon pati nan dosye medikal ou an. Menm jan ak tout enfòmasyon sou sante w yo, repons ou yo ap rete konfidansyèl epi CCHC ap byen pwoteje yo, epi yo ap pataje sèlman ak founisè swen sante ou yo epi lòt moun ki otorize pou wè dosye medikal ou a.
Kisa CCHC fè ak enfòmasyon sa yo?
Sa nou pa ka mezire, nou pa ka amelyore l. CCHC analize done sou swen pasyan nou yo - tankou evalyasyon pou kalite, sekirite ak eksperyans pasyan yo - pou nou ka evalye tèt nou sou fason n ap bay yon trètman ki jis ak egal pou tout moun, kèlkeswa moun ou ye a. Idantifye twou vid ki ka genyen nan swen yo se yon priyorite estratejik majè pou CCHC.
Repons ou pou kesyon sa yo ede revele twou vid, si genyen, nan bay n ap bay tout moun opòtinite egal pou yo atenn tout potansyèl sante yo - kèlkeswa sitiyasyon sosyoekonomik yo oswa sikonstans estati sosyal yo mete yo. Konprann kote twou vid yo ye ede nou kreye solisyon pou rezoud yo.
Mwen te reponn kesyon konsa anvan. Èske CCHC pa gen enfòmasyon sa yo sou mwen deja?
Kòm kèk nan enfòmasyon sa yo ka chanje apre yon tan pou kèk moun, nou vle asire enfòmasyon nou genyen sou ou yo egzat, pou nou ka kontinye bay bon jan swen.
Poukisa n ap poze kesyon sou oryantasyon seksyèl ak idantite seksyèl mwen? Ki enpòtans sa genyen pou swen m yo?
Enfòmasyon sa yo ede nou pi byen sèvi ou menm ak lòt pasyan ki gen bezwen ak preferans ki sanble ak pa ou yo, e sa ede pou ban nou yon imaj konplè popilasyon pasyan nou an. Mande pwonon yo ede anplwaye nou yo adrese yo kòrèkteman ak pasyan nou yo, evite yo fè sipozisyon epi respekte idantite seksyèl tout moun. Mande w ki sèks yo te atribye w lè w fèt ede anplwaye nou yo konprann ki ògàn ki ka prezan nan kò w pou w swiv swen prevantif ak tès depistaj kansè ki gen rapò ak ògàn sa a. Enfòmasyon sa a, mete ansanm ak oryantasyon seksyèl ak idantite seksyèl ou, ede nou kreye yon plan swen ki enklizif, ki santre sou moun, epi ki pi byen adapte ak bezwen ou yo.
E si mwen pa santi m alèz pou reponn kèk nan kesyon yo?
Bay done ou se konplètman chwa w. Nou poze kesyon an paske nou swete pi byen sèvi ou menm ak kominote nou an.
